كاسىپوداق قىزمەتى – ۇلكەن كۇش. بۇل الەۋمەتتىك ماڭىزى بار ۇيىم. ءبىراق ءبىز ونىڭ قۇقى مەن مىندەتتەرىن جانە ماقساتىن تۇسىنە بىلەمىز بە؟ راسىندا كاسىپوداق ساناتورييگە جولداما الىپ بەرۋ ەمەس. ول قاراماعىنداعى جۇمىسشىلاردىڭ قۇقىن قورعاۋ. سوندىقتان ءبىز وعان سەنە ءبىلۋىمىز كەرەك جانە وعان ارقا سۇيەگەنىمىز دە ابزال.

ەلباسى نۇرسۇلتان نازاربايەۆ ۇنەمى ءوزىنىڭ سويلەگەن سوزدەرىندە جانە جولداۋلارىندا جۇمىسشىلاردىڭ قۇقى قورعالۋى قاجەتتىگىن ۇنەمى ايتىپ كەلەدى. ال ول ءۇشىن  ەڭ الدىمەن جۇمىسشىلار كىمگە ارقا سۇيەۋى ءتيىس؟ ولاردىڭ ءوندىرىس جاعدايىندا ءارتۇرلى جازاتايىم وقيعالار ورىن الىپ قالسا،  قۇقىن كىم قورعايدى؟ سوندىقتان دا ءبىز ەڭ الدىمەن ۇجىمداعى جۇمىسشىنىڭ مۇددەسىن قورعايتىن كاسىپوداق اتتى ىرگەلى ۇيىمنىڭ بارىنا جانە ونىڭ جۇمىسىنا سەنە ءبىلۋىمىز كەرەك. ويتكەنى كاسىپوداق ۇيىمى ەڭبەك داۋلارىنىڭ الدىن الادى. ءبىراق ءبىز ەڭ الدىمەن ءوندىرىس بارىسىندا ءارتۇرلى جاعداي ورىن الىپ جاتسا، كىمگە جۇگىنەمىز؟ ارينە، كاسىپوداق ۇيىمىنا! سوندىقتان قاي جەردە، قاي مەكەمەدە جۇمىس ىستەپ جۇرسەك تە، ەڭ الدىمەن ءوز قۇقىمىزدى قورعاۋىمىز كەرەك. ال ءبىز سوندىقتان دا  كاسىپوداققا ارقا سۇيەيمىز.

كاسىپوداق ۇيىمىنىڭ قىزمەتى دەگەندە ءبىزدىڭ ەسىمىزگە نە كەلەدى.؟ اتالعان ۇيىم ۇنەمى  الەۋمەتتىك باستامالارعا قولداۋ ءبىلدىرىپ وتىرادى. الەۋمەتتىك جاعىنان از قامتىلعان وتباسىلاردى ۇنەمى قامقورلىققا الادى، جالعىزباستى انالارعا قولداۋ كورسەتەدى. ولاردىڭ ەڭبەك دەمالىسىن لايىقتى وتكىزۋگە مۇمكىندىك بەرەدى. سونداي-اق...

جالپى كەيىنگى كەزدە ەڭبەك ۇجىمى مەن ونداعى باسشىلار اراسىندا ءارتۇرلى جاعدايلار، اتاپ ايتقاندا كەلىسپەۋشىلىكتەر ورىن الىپ جاتادى. كوبىنەسە بۇل جالاقىعا قاتىستى بولاتىنى ءسوزسىز. سوندىقتان الدىمەن زاڭعا وزگەرىستەر ەنگىزۋ كەرەك بولدى. وسىعان وراي ەلباسى تاپسىرماسىنا بايلانىستى جاڭادان، ياعني 2014 جىلى «كاسىپوداقتار تۋرالى» زاڭ قابىلداندى.

ءقازىر جۇمىسشىلار مەن ۇجىمنىڭ مۇددەسىن قورعايتىن ەڭ ءىرى كاسىپوداقتار فەدەراسياسى بار.  ونىڭ ءتوراعاسى – باقىتجان ءابدىرايىم. بەلسەندى قىزمەت ىستەپ جاتقان ۇيىم شىندىعىندا دا بۇگىنگە جۇمىسشىلاردىڭ مۇددەسىن قورعاۋ ءۇشىن لايىقتى جۇمىس ىستەۋدە. راس، ەكونوميكا قازىرگىدەي نارىقتىق قاتىناستارعا دەندەپ ەنگەن تۇستا  ەڭبەك داۋلارىنىڭ كوبەيۋى زاڭدىلىق. ءبىراق ونى قالاي شەشۋ كەرەك؟ وسىعان بايلانىستى كاسىپوداقتار فەدەراسياسى ءار ايماقتا  «تاتۋلاسۋ ورتالىعىن» قۇردى. ال مۇنىڭ قاجەتتىلىگى قانشا؟ مامانداردىڭ ايتۋىنشا، بۇل وتە قاجەت. ويتكەنى بۇل ورتالىق ەكى تاراپتىڭ كيكىلجىڭىن بولدىرمايدى جانە ورىن العان وقىس وقيعانىڭ الدىن الادى.

بۇگىنگى تاڭدا قازاقستان رەسپۋبليكاسىنداعى كاسىپوداق فەدەراسياسىنا مۇشە 2 ميلليوننان استام ادام بار. دەمەك، ولاردىڭ قۇقىن قورعاۋ  –كاسىپوداقتىڭ قولىندا. «تاتۋلاسۋ ورتالىعىنىڭ» قۇرىلۋ سەبەبىنىڭ سىرى دا وسى. ءقازىر ەلىمىزدە وسىنداي 17 ورتالىق بار.

راسىندا دا قازىرگى ۋاقىتتا جەرگىلىكتى بيلىك قانا ەمەس، شەتەلدىكتەردىڭ باسقارۋىنداعى  وندىرىستەگى ورىن الاتىن ەڭبەك داۋلارىندا كاسىپوداق وتاندىق  جۇمىسشىلاردىڭ قۇقىن قورعاۋدا. مالىمەتكە جۇگىنەر بولساق، كاسىپوداق ۇيىمىنىڭ ارالاسۋىنىڭ ارقاسىندا ەڭبەك داۋلارى 2018 جىلى 2،5 ەسەگە دەيىن ازايعان. قازىرگى كەزدە جۇمىس جاعدايىندا نەمەسە وندىرىستىك جاراقات العانداردىڭ دا سانى كەمىدى.

ءاردايىم جۇمىسشىلاردىڭ جانە ەڭبەك ۇجىمىنداعى وكىلدەردىڭ  مۇددەسىن كوزدەيتىن كاسىپوداق ءسويتىپ، ءقازىر ەلىمىزدەگى ەڭ ىرگەلى ۇيىمعا اينالدى. ونىڭ قۇرامىندا 2 ميلليونعا جۋىق مۇشە بارىن ايتتىق. جىل وتكەن سايىن باستاۋىش ۇيىمداردىڭ دا سانى ارتىپ،  ونىڭ جەرگىلىكتى جەردەگى دە بەدەلى ايقىن كورىنە باستادى. ارينە، كاسىپوداق ۇيىمىنىڭ بەدەلى اسىرەسە، مىڭداعان جۇمىسشىلار ىستەيتىن كاسىپورىن مەن ءوندىرىس ورىندارىندا وتە جوعارى. ەندىگى ۋاقىتتا كاسىپوداقتىڭ ابىرويىن شاعىن جانە ورتا كاسىپكەرلىك سالاسىندا ارتتىرۋ كوزدەلۋدە. بۇل دا الداعى ۋاقىتتا جۇزەگە اساتىن جايت. سوندىقتان كاسىپوداققا مۇشە بولۋدىڭ ارتىعى جوق. ويتكەنى سەنىڭ مۇددەڭدى كاسىپوداق قانا كوزدەيدى.